• Levará a pleno para a súa aprobación este xoves, 26 de agosto, e inclúe as novas medidas da plataforma, que se han recalculado, e o estudo geotécnico.
• Tamén se presentará a proposta de festivos locais para o ano 2022.
O goberno local do Concello de Carral presentará este xoves, 26 de agosto, en pleno extraordinario o proxecto modificado para a ampliación da ponte do río Brexa.
O novo documento inclúe un ancho de plataforma superior ao que estaba proxectado inicialmente, que se consideraba totalmente insuficiente. “O anterior proxecto só contemplaba cinco metros de ancho para ampliar a ponte polo que non se conseguía arranxar un punto negro de tráfico, se non que se mantiña”, explican desde o goberno local.
O novo proxecto contempla un ancho de 7 metros para a ponte, con dous carrís de 3,50 metros para que poidan cruzarse tanto coches como camións. Este cambio é posible xa que o proxecto non incluía nin o estudo geotécnico para coñecer a capacidade do terreo nin o cálculo das estruturas, que agora se incorporan.
Despois, o modificado do proxecto deberá ser aprobado tamén en pleno da Deputación dá Coruña.
Ademais, na sesión plenaria someteranse a aprobación os festivos locais para o ano 2022: o 8 de setembro, o Socorro, e o 1 de marzo, martes de Entroido.
